“Алтайн хүдэр”, “Скай Резорт” компаниуд анхны Тогтворжуулах гэрчилгээг авав

Хөрөнгө оруулалтын газраас өчигдөр “Алтайн хүдэр”, “Скай Резорт” компанид анхны Тогтворжуулах гэрчилгээг олгосон байна. Таяннуурын төмрийн хүдрийн ордод олборлолт явуулдаг “Алтайн хүдэр” ХХК нийт 279.7 тэрбум төгрөгийн хөрөнгө оруулалт хийх бөгөөд 11 жилийн хугацаатай Тогтворжуулах гэрчилгээ авчээ. Мөн 46.6 тэрбум төгрөгийн хөрөнгө оруулалттай цанын бааз, гольфын талбайн төслөөр “Скай Резорт” ХХК 8 жилийн хугацаатай Тогтворжуулах гэрчилгээ авсан байна.

УИХ-аас 2013 оны 10 дугаар сард Хөрөнгө оруулалтын тухай хуулийг батлан гаргасан. Уг хуулиар гадаад дотоодын хөрөнгө оруулагчдыг ижил түвшинд хамгаалж, бодит татварын болон татварын бус дэмжлэг үзүүлэхээр тусгаж өгсөн билээ. Үүний нэг томоохон дэмжлэг нь хуульд заасан тодорхой шалгууруудыг хангасан хөрөнгө оруулагч хуулийн этгээдэд Тогтворжуулах гэрчилгээ олгож, ААНОАТ, НӨАТ, АМНАТ, гаалийн албан татварыг 5-24 жилийн хугацаанд хувь, хэмжээг нь тогтвортой байлгах юм.

Тогтворжуулах гэрчилгээг Хөрөнгө оруулалтын газрын дэргэдэх Орон тооны бус зөвлөлийн дүгнэлтээр олгох хуулийн заалттай. Өнгөрсөн хугацаанд хуулийн тодорхой заалтуудын улмаас Тогтворжуулах гэрчилгээг олгох ажил удаашраад байсан юм.

Check Also

ЭРДЭНЭТ ҮЙЛДВЭРИЙН 384 АЖИЛТАН ШИНЭ ОРОН СУУЦТАЙ БОЛЛОО

Энэ сарын 22-нд орон сууцны “Уурхайчин-1” хорооллыг Эрдэнэт үйлдвэр ашиглалтад хүлээн авсан. Үйлдвэрийн газрын ажилтнуудад …

Leave a Reply

Your email address will not be published.

This site uses Akismet to reduce spam. Learn how your comment data is processed.

Translate »